LAIPIANPA' LA
1. Thang van aa zaal Sian za maang aw, tong dam khak heem in za'ng ee.
Pu pa pat loh khua van nuai ah, Sian tong dam sin thu hi ee.
2. Tung Pasian hawm siam lawm lawm ee, zin leeng lai aa maang aw ee.
Sim lei tung ah nam cih lai ah, khua van nuai aang ah sia ee.
3. Khua vaan nuai lian liim belh Sian maang se sum nam cin ngai ingh ee.
Sian tong dam vaang ka muan man in, zaa lai ah ki heek ingh ee.
4. Sim lei nam cih ka khual na aw, Sian maang tong dam in biang ee.
Thang van aa zaal Sian maang tong khak, sim lei tung ah khang sawn te'n na ciing hen aw.
5. Liim belh Sian lun maang aw ee, na vaang luum bang sung ingh ee.
Pham mawh na leh taang bang dam na, duang ah sawl bang baang ve aw.
6. Sian maang sin thu lun tong dam tawh gawm thei hi lengh, tui bang ciim khawm nuam ingh ee.
Thang van aa zaal Sian maang hawm siam, tong dawng thei lengh za ii lai ah, pheek taang bang phah nuam ingh ee.
7. Sian maang awi aa ka hei buang in, tat na gam kuam zai hen aw.
Siing ta'n heem lam hong hoo zong in, Sian' awi aa ki heek hi'ng ee.
8. Sian maang awi lum suang aw ee, khan' meel cik na ding aw ee.
Pian' dang ka tong dam aw ee, vaai tuun nu mun zaam hen aw.
9. Ka ki hil na om lo ee, Sian maang mun ki hil ingh ee.
Pian' puan bang thak zaa ta lung lelh, Sian maang dawng hoong Kei hi'ng ee.
10. Za lun sum tual ciau lum suang phuh, pian' dang ka sim na hi ee.
Sian awi khan' pian' tum dang sa'ng ee, ciau luum suang in po hen aw.
11. Sian maang na kaan kong neen ah ee, phuh sing bang kho lai ingh ee.
Za lun sau maang tuang lam peel te, lung in a muang sam diam aw.
12. Za lun sawl sang ki heek ingh ee, khang gawl bang khak tam tah ee.
Sim lei thang van Sian maang awi in, ziing daai bang nawk zaal ingh ee.
13. Za lun Sian maang na dawh aii aw, pham mawh na ding khua vaan nuai in, leen puan bang kawm nuam ungh ee.
Khan' kum sawt aa ih tuan' gen ding, khua vaan nuai ah lui khau bang zaam lai hen aw.
14. U leh ka nau za tam huai na, ka tong dam neem dil dial ee.
Ka min siing khua-ah zaam hen aw, pian' dang ka tong dam hi ee.
15. Za lun tong dot Sian maang awi in, hei dil dial ingh, nam cih za tam' ka vaang nii bang hong el lo vua, khan' kum muan ding, pian' ki kheek sak Kei hi'ng ee.
Khan' kum sawt aa lung aa ngilh sa, nam cih tui bang siang sak tangh ee, khua vaan nuai ki hil ingh ee.
16. Sian maang tawh paai bang kop tangh ee, sim lei ah min zaam ingh ee.
Luum sun za lun maang aw ee, ham bang hong huai siam ve aw.
17. Tung thang van aa Sian maang tong dam tuan' khan' aa ciin ding hi ee.
Sian za maang tong dot aw ee, nam cih ta'n tem bang deih ee.
18. Sim zawng von tawi ka hi zong in, Sian maang awi sin thu hi ee.
U leh ka nau nam cih von tawi, heem lam ho' ki bang' hen aw.
19. Za lun sawl sang phung in khia gual in khia ee, ka sin laai neem tuam lo ee.
Sian tawh paai bang ka ki kop aa, tong ka khialh na om lo ee.
20. Sian maang hawm siam khua vaan nuai ah, maa bang ka pat sa hi ee.
Phuancil paihding ka lawmlo ee, laai honglawhding Sianmaang' nuh ling dal hen aw.
21. Sian maang hawm siam pian' dang tong dam, zaa lai ah thang hen ci'ng ee.
Nam cih ta'n tem bang deih ee, taang gual phial va laam bang ee.
22. Lung aa nong tup om laai laang aw, zin leeng biak na ning leh aii sa, sim lei thang van kiim sa'ng ee.
Om laai khan' lo bang lel tangh ee, lung zuan man in Sian maang mun ki hil ingh ee.
23. Phung tawh kum lo pian' dang sa'ng ee, khua vaan nuai ki hil ingh ee.
Phung nam cin in nong nial zong in, Sian maang hawm siam tong dawng thei lengh, lung ka lau na om lo ee.
24. Sian maang ka hawm hong nial lo vua, pu pa khan' aa sim khua ziing sa, sun nii taang sak Kei hi'ng ee.
Sim lei mi za gua bang hin' na'ng, thul guah luang sak Kei hi'ng ee.
25. A mi za ii tam laai ah ee, lung tup bel aang ah sia'ng ee.
Sian maang hawm siam aang aa siat aw, khang sawn te' muan' in pha ee.
26. Pian' dang sim na kum sawt sa'ng ee, Sian aang ah zaal zo ingh ee.
Sian maang hawm siam a saang lo ding, Kei' nun ah luai' bang' hen aw.
27. Sian von tawi hi'ng mi za'n ci ee, Siang sawn ah ka tuang hi ee.
Lung lelh za tam ham bang niil ingh, Sian mual ah haan zaai sa'ng ee.
28. Sim lei mi za miim bang pian' na, Sian mun zaang neem dil dial ee.
Sian von tawi hi'ng ih ci zongh aa, tong dam saang tuam om hi ee.
29. Khan tuak khial bang ka phung laai ah, Sian gim nam ta ning ci'ng ee.
Sian gim nam ingh zaa ii lai ah, Sian aang ah zaal zo ingh ee.
30. Sing leel nuh paam ah paai tangh ee, Sian ii vaang a muang hi'ng ee.
Tung sun nii bang Sian maang taang ee, Siang sawn ah heii ning ci'ng ee.
31. Sian maang hawm siam nam cih za tam' nong nial aa leh, vaai mui bang peei ding hi'ng ee.
Nam cih za tam hawm siam ve vua, hin gim nam laai hen ci ee.
32. Sim lei nam cih ka khual na aw, zin leeng pal bang nang lah tangh ee, Sian in aang laai ah sia ee.
Huang gulh leng keel gil buh al siah taang kai te, kai a zak leng ding hi ee.
33. Za lun maang tong dot aw ee, na vaang liim sing bang beel ingh ee, lung ka lau na om lo ee.
Sian maang beel aa tong dam zawi kaih, tung sun nii bang saang sawn hen aw, khua vaan nuai in awi hen aw.
34. Tuun leh ka zua a pham nua in, za lun tong dam saang ingh ee.
Za tam uum taang bang khawl' tangh ee, hoo va dial mah ngaai ingh ee.
35. Pu pa pat loh u leh ka nau, ban zaal kaih ki zawng dial ee.
Tung thang van aa za lun maang in, tong dam kaih awi ding hi ee.
36. Pu pa pat loh ban zaal zawi kaih, Sian za lun sin thu hi ee.
Lung deih aa lak Sian tong dam aw, nam cih duang ah baang thei ee.
37. Sim lei tung ah nam cih laai ah, za lun tong khak a nial om leh, Sian in awi lo ding hi ee.
Sian maang hawm siam ka saan sawn hi, zaa lai ah phung nam vawh'ng ee.
38. Sian zalun maang tong kaih siam ee, pupa khan' aa lung aa ngilh sa, ahawm zatam pian' dang tong ki dawng sak ee.
Nam cih tong dot za lun maang aw, na vaang phuh sing bang muang ingh ee, mi za lai lung aa ta ee.
39. Zin leeng kaih tam khua vaan nuai ah, phungpi liim belh thang van aa zaal, meel muh loh Sian maang aw ee.
Na von tawi no lung muang mawh'ng ee, taang bang dam ding ka ngaih man in, tong dam in hoo nuam ingh ee.
40. Sian maang hawm siam se sum min thang, von nong huai'na, paak thel bang tawi' cim lah'ng ee.
Khan' kum muan in tuul mawh hen aw, gual lai ah hil nuam ingh ee.
41. Sian maang siam sil tawi thang min lun, lung up loh meel in mu'ng ee.
Ka ki pat in Sian maang hoo ingh, khan' guizop na'n pham mawh leeng aa, gam guul bang lii nuam ingh ee.
42. Thang van siing aw za lun Sian maang, na vaang phuh sing bang muang ingh ee, khua van nuai ah zaam ingh ee.
Nuai sim lei aa na von tawi teng, pham mawh hin' tui hong luan ve aw, taang bang dam na ngai ingh ee.
43. Sian awi loh aa om lai lung lelh, Sian za leeng tuul thum la'ng ee.
Za lun sawl sang ka leen na ah, ka tong dawng ngam om lo ee.
44. Ih nuai om laai a laan leh, Sian aw sial luum hong sun aw.
Ih tung thul guah a luan' aa huih khi laan leh, Sian in leen puan hong zawn aw.
45. Ka meel neu ee Sian ka Sial luum, zaa ta'n liim sawl bang beel ee.
Zin leeng kaih tam tual ah khia'ng ee, Sian maang ka leen thang zaw ee.
46. Sian maang awi aa hei hi'ng ee, zin leeng pal bang nang ingh ee.
Za lun von tawi Sian za tam tawh, om laai vang khua suan ingh ee.
47. Sian za tam tawh ka leen ni'n ee, sii leh hing bat phuu la'ng ee.
Sii leh hing bat phuu ka lak ni'n, om laai nuh neem ta nah ee.
48. A haang bel kua haang hiam aw ee, nuai zin leeng leh zaang sa kam keii haang bel ee.
A haang nam cin beel bang suan' na, sa vungh zin leeng kuul luh'ng ee.
49. Za lun in tong dam hong khak ee, sin laai tuu bang ciing ingh ee.
Za lun tong khak thuul ah sia'ng ee, za laai phiil taang bang theh'ng ee.
50. Pu pa lung lelh zin leeng hi ee, ih pham na za tam sa'ng ee.
Pham na za tam ham bang niil ingh, Kei bang keek mi om lo ee.
51. Sian maang sawl sang haang ta lengh haang ta lo lengh, gual sin laai ka kawm lo ee.
Muh mawh zin leeng do ka nawh ni'n, Sian maang nang' min sial ingh ee.
52. Nuai zin nang leen tual ah khia cia, Sian maang ka leen thang zaw ee.
Sian za tam tawh hoo lung kuum ingh, ka leen siing zo om lo ee.
53. Ka leen na gam vaang la sa'ng ee, Sian maang sawl sang ki sa'ng ee.
Ka phung zin bang a ling zong aa, Sian in ham bang huai ve aw.
54. Min lun Sian zaai sol kha nel kaai, zaa laai taan sun ni aw ee.
Nuai sim lei aa nam cih von tawi, tat na gam kuam khual hen aw.
55. Pu pa lung lelh Sian tawh kop ingh, huih khi laang bang seem dai ee.
Huang gulh leng keel siah taang kai te, Sian in phiil taang bang theh ee.
56. Pu pa lung lelh zin leeng za tam, ziing daai bang nawk zaal ingh ee.
Za lun von tawi taang hi'ng ci'ng ee, Sian mual ah haan zaai sa'ng ee.
57. Za lun von tawi a ci teng in, Sian maang tuang lam tamm tawn ee.
Pu pa khan' gil' lung aa tumh teng, zin aang ah zaal ta dih aw.
58. Sian mang hawm siam lam bang tang sa, khang gawl bang khak tam tah ee.
A khak nuam in khak ve aw Sian maang tuang lam, a khak zo mi om lo ee.
59. Zaang tui lun tawh tong ciam ingh ee, nam cih lai lung aa ta ee.
Ka hawm siam aa nam cih gual aw, khua vaan nuai ah zaam hen aw.
60. Lung lelh za tam ngil ta ning ci'ng, phung leh gual in gi bang neek ee, lung ka lau na om lo ee.
Se sum sawm sial ci ngam lah'ng ee, Sian za tam in na awi nam aw, phuh bang kho' na ngai ingh ee.
61. Pu pa lung lelh om laai laang ee, ih pham na za tam sa'ng ee.
Pian' dang sial na'n Sian ko' ingh ee, om laai mun muang phawng ingh ee.
62. Se sum nam cih huai lah'ng ee, Sian maang tawi min thang ingh ee.
Zin leeng nam cih ham bang niil ingh, Sian maang nang' min lo ingh ee.
63. Tu aa mi pau ka zak in sei no gual aw, nuai aa sim zawng te ci ee.
Sim zawng von tawi ka nuam lo ee, sim lei ah min zaam ingh ee.
64. Bang ih ci diam cih laai tak aa, phung teng ciam peel dang tah ee.
Gam vah khuai bang kaai tuam ingh ee, Sian aang ah muang zo ingh ee.
65. Zin leeng za tam Sian maang niil sa, kaai tui bang zawl tam tah ee.
Kaai bang na zawl lung muang lo aw, Sian maang lung a taai lo ee.
66. Sian maang awi loh zin leeng kaih tam, nuai sim lei ah tual khia'ng ee.
Sim lei tung ah pham na za tam, Sian in ham bang niil hi ee.
67. Sian maang hawm siam taang bang dam na, phung teng in sai' na'n nei ee.
Do laal bang aa pat bang nong sai', Kei aw Sian von tawi hi'ng ee.
68. Sian maang hawm siam ka muan man in, Phung in thal gu' bang do ee.
Tong sia hong lawh Sian maang hawm siam, leen pal bang ka nang hi ee.
69. Zin leeng nan leh phung teng nan aw, a kop in puan bang thuah'ng ee.
Sian maang hawm siam lung lelh pal bang nang ingh ee, zaang zum tual ah thang ingh ee.
70. Sian maang hawm siam tong tam lo vua, mi za tam te'n khau bang na pal zo diam aw.
Sian maang hawm siam tung sun nii bang, khan' kum muan ding tual aa khiat nii om lo ee.
71. Ho luang thei leeng tung Sian maang in, tong a neem peuh ngaai hi ee.
Tung Pasian in tong dam neem teng, hoo va dial mah ngaai hi ee.
72. Sim lei mi za Sian in khen ding, Siang sawn teng ki tawi ve aw.
Sian maang hawm siam nuun nop gam ah, heii dil dial in pai leeng ee.
73. Sim lei mi za Sian in hilh ee, lung ka lau na om lo ee.
Sian tong nial teng leen kum sawt ee, Sian in khen ta ding hi ee.
74. Pu pa khan' aa nuai zin leeng in, mi za sung neek in nei ee.
Tung Pasian in a awi lo aa, zin kaih tam tual ah khia ee.
75. Heii dil dial leeng Sian von tawi teng, tong ih kup luang ton leeng ee.
Hoo luang thei leeng tung Sian maang in, tong a neem peuh ngaai hi ee.
76. Sian nuun aa luai mi za tam ee, lung ka muan' na om lo ee.
Sian maang na vaang muang ingh ee, Siang sawn ah ka tuang hi ee.
77. Sian maang sin thu lung aa ka tup, deih laai ci' bang teel ingh ee.
Sian maang awi aa ci' bang ka teel, zin sin thu ka kawm lo ee.
78. Sian maang tong saang mi za tam ee, kaan kong nuh sawl baang hi ee.
Kaan kong nuh sawl a baang te aw, Sian maang lung aa taai lo ee.
79. Hongen ve aw tung Sianmaang aw, simleitungah namin pheektaangbang theh'ng ee.
Sim lei tung ah tong sia hong lawh za tam sa'ng ee, leen pal bang ka nang hi ee.
80. Sian tong dang ee pian' ki kheek ee, Sian in khen ta ding hi ee.
Sian maang laai lung ah tuak teng aw, Siang sawn ah hong tuang ve aw.
81. Sian maang hawm siam mi za laai ah, khat guak sing bang poo ingh ee.
Mi za tam teng ka khual na aw, Sian maang tong dam in bia'ng ee.
82. Tuun ka cih ding a bei aa, Sian tuun nu tuun aw ci'ng ee.
Zua ka cih ding a bei aa, Sian zua pa zua aw ci'ng ee.
83. Tuun huai bang aa Sian maang nong huai, leen laai zil laai lengh ci'ng ee.
Siing tawi za tam ka khual na aw, Sian maang tong dam khak ingh ee.
84. Leen tual khia'ng ee ka khun laan ah, gam guul bang vial, mi za daai in dam sa'ng ee.
Pham ding ci aa mi za leel sa, Sian in tang lo bang phongh ee.
85. Zin leeng za tam meii bang theng mawh, giit bang hoong ding, taang hi'ng ci, nuh neem sa'ng ee.
Do laal aa pham ka hi zong in, haan lung ciam ngam om lo ee.
86. Pham ding ci aa thel bang hong phongh, Sian in hin loo tui luan ee.
Leen laai thal bang ka zan laai in, tong dam saang lo bei tah ee.
87. Huih khii laan dang ka duang hong zen, silh puan tuun nu in nei ee.
Ham bang huai keek om lo aa, gui khau ban zaal in nei ee.
88. Haam bang vaai lengh ka sau nuai ah, nam cih ziing daai bang kamh ee.
Sian ii tawi in ka sian sung ah, taang gual phial va laam bang ee.
89. Sian maang in tong dam hong khak ee, zin tawh na khen in ci ee.
Pu pa khan' aa lung aa gim na, Sian in leen puan bang paai ee.
90. Hong ki huai vua mi sim zawng teng, Siang sawn ah hong tuang ve aw.
Sian aang aa zaal mi gah liang teng, Sian in hin loo tui luan aw.
91. Hong tawi tung Pasian aw ee, seen aa ka tuun nu bang ee.
Gual ka huai na ka tong dam neem dil dial ee, paak thel bang tawi in pha ee.
92. Ka tuun tawi' in thang lah'ng ee, ka zua tawi' in thang lah'ng ee.
Ka zua' tawi in thang lah'ng ee, Sian maang tawi in thang ingh ee.
93. Tung thang van ah a saang sawn ah, Sian zua pa meel in mu'ng ee.
Sim lei leh thang van kaal ah ee, a bawl loh mi om lo ee.
94. Sian maang sau sak sau maang nuai ah, lung deih ci' bang teel ingh ee.
A kiang neen ah zaal thei hi lengh, kum sawt hin' na om hi ee.
95. Sian maang sau sak a dawh tamm ah, lia leh taang hong hei ve aw.
Lia leh taang hong hei ve aw, khan' kum aa muan ding hi ee.
96. Tung Pasian' hawm siam lawm lawm ee, suun nii leh sol kha a bawl sa, vaan nuai kuam teng taang hi ee.
Vaan nuai kuam teng a taang nuai ah, nam cih zaa in tam sa'ng ee.
97. Sian maang hawm siam kum sawt sa'ng ee, Siang sawn ci' bang teel mawh'ng ee.
Sian maang sau sak sau maang nuai ah, Siang sawn ci' bang teel ingh ee.
98. A mi za ii tam laai ah ee, lung tuak cii bang teel ingh ee.
Ci' bang ka teel tu tawm sa'ng ee, Siang sawn ah tuang om lo ee.
99. Sian maang sawl sang ki heek ingh ee, thah aa hong sawm tam tah ee.
Thah aa mung lo bang nong tup aw, Kei aw Sian' von tawi hi'ng ee.
100. Siangsawn aa tuang zin in dolaal in nei ee, Sian in awilo nuai simlei ah tualkhia ee.
Pu pa khan aa zin leeng kaih tam, Sian in nuh paam ah paai ee.
101. Sian maang ka tuun nu aw ee, Sian maang ka zua pa aw ee.
Sian tuun nu leh Sian ka zua pa'n, taang bang dam tui hong luan' aw.
102. Tuan aa pu pa khang ma sa te, zin leeng sul aa pham ci ee.
Zin leeng sul aa a pham te aw, Sian maang tong na ngaai naam aw.
103. Ziing ka zin na khua za tam ah, Sian maang in gawl bang kiim tah ee, lung ka lau na om lo ee.
Zin aw gi' bang hong neek lo aw, Sian aang ah muang zo ingh ee.
104. Za luun sau deih suang kiim ingh ee, zin leeng nan' na ding hi ee.
Muh mawh zin leeng haang ki sa ee, phiil taang bang theh zo ingh ee.
105. Thei bang seen aa maa bang ka pat, hei na peuh ah Sian' zaal na sau phei sa'ng ee.
Sian' zaal na sau phei nuai ah ee, nam cih haai zuu zawng aw ee.
106. Dam tui luang suk Sian maang dawh aii, pham mawh na tong leel hi ee.
Nam cih'n sikh bang dawn kiim ciat aa, pham peel gual kaan siing hi ee.
107. Sian maang hawm siam khua vaan nuai ah, zaa ta tui bang ciim na ding aw, sin laai lung gulh na hi ee.
Siing ta'n ciam bang hong nuih zong in, ka tong dam neem ki sa'ng ee.
108. Sian maang hawm siam khua vaan nuai ah, nam cih tui bang gawm hi ee.
Siing ta'n nuih ciam hong leel zong in, pian' dang tong dam aw ci'ng ee.
109. Tong suan sawn khau bang a zaam na, ka vaang el za tam sa'ng ee.
Sian maang' awi leh tuun huai aa hei, gual aw hong el kha na cia.
110. Sian maang sawl sang thang van tuang va tung tangh ee, za lun sum tual luum sa'ng ee.
Ban zaal liim sun sei no gual aw, meel muh pian' in dang sa'ng ee.
111. Ka liim belh leh nuai zin maang in, gil al bang mang aw ci ee.
Za lun in maa ciang hong suan ee, pham tam sap na, zin leeng beel bang suan ingh ee.
112. Za luun sin thu kiil bang khang ee, a leel sawn al va'n bawm ee.
Theih loh al va va meel hoih in, ka min nuh paam ah paai ee.
113. Pu pa khan' in luun maang hi cia, tu in ka taang gual hi cia.
Taang gual sial zin bang hawl tangh ee, Sian tawh tong dam ciam ingh ee.
114. Ciin aw nuh paam ah paai lo aw, Sian maang hawm sin thu hi ee.
Sian hawm siam in khua vaan nuai ah, sin thu meii bang zaam sak tangh ee, Kei aw za von tawi hi'ng ee.
115. Nam cih laai tan tung Pasian aw, min luun lawi bang thang aw ee.
Zin vaan nuai lian za tam kaih sa'ng, na maan suun nii siing aw ee.
116. Sian tong dam maa ciang suan tangh ee, zaang tui ka leen na aw ee.
Za laai luum sun luun maang huai siam, nam cih tui bang ciim hen aw.
117. Sian maang hawm siam tong cih tun' na, ban zaal paak thel tawi aw ee.
Luun tawh hoo ci' bang tawm tangh ee, zaa laai ngo meei bang zeel ee.
118. Za luun Sian maang na dawh aai aw, sim lei thang van kawm thei ta cia, zaa laai suun nii taang aw ee.
Nuun eng zaang nii, kum ciam sol kha, kuam zaang khua vaan nuai taan ee.
119. Za luun lung deih Sian gual leel ingh, kum cin' taang gual ka kaih na aw ee.
Kum cin' taang gual ka kaih pih sei no ka gual, Sian aw an bang it ve aw.
120. Tuai teng na vaang ka ngaih man in, Siang sawn ah heii ning ci'ng ee.
Sian tawh zin leeng ham bang niil sa, lung aa ngaih na om lo ee.
121. Sian hawm siam ee nam cih gual aw, Siang sawn teng ki tawi ve aw.
Siang sawn teng ki tawi hen aw, niin leh siang ki khen hen aw.
122. Tung thang van aa za pi luun Sian phung maang in, sim lei leh thang van kaal ah ee, ka tong zaam kiim hen ci ee.
Phung niam phung luun khau bang na vawh kiim ve aw, mang mawh tuan gen ding hi ee.
123. Pu pa pat loh khua vaan nuai ah, Sian awi aa sin thu hi ee.
Sian maang tong dam khua za tam aw, nam cih va bang pil hen aw.
124. Sim lei mi za ka khual na aw, Sian maang tong dam khak ingh ee.
Tong ka khialh na om lo ee, pham ding in ki ging lah'ng ee.
125. Zin in khuam bang hong do' tah ee, tung Sian maang in nuai siah ee.
Zin leeng kaih tam Sian in awi lo, nuai sim lei ah tual khia ee.
126. Sian maang tawh ho lung kum ingh ee, zin kaih tam ka neem sak ee.
Pian' ki laih na tung Sian maang in, zin leeng tual a niam sak ee.
127. Pham ding ci aa thel bang hong phongh, tung aa Sian luun maang hi ee.
Lung ka muan dang a omlo, tung aa Sian maang muang ingh ee.
128. Liim belh Sian maang hawm siam sa'ng ee, a kiang neen ah zaal ve aw.
Luum sun Sian maang za tam tong dot, Sian aw hin' tui hong luan aw.
129. Nam cih von tawi ka khual na'n ee, Siang sawn ah ka tuang hi ee.
Zin leeng za tam ham bang niil ingh, tung Sian maang na muang ve aw.
130. Sian maang hawm siam mi za laai ah, lung tuak ci' bang teel ingh ee.
Lung tuak ci' bang ka teel zong in, Sian mun tut khawl om lo ee.
131. Sian maang tong dam saang ingh ee, zin leeng pal bang nang ingh ee.
Zin leeng pal bang a nang lah ding, Kei' nuun ah luai bang' hen aw.
132. Sian leh zin paai bang kop tah ee, Sian in gi' bang khen ingh ee.
Sian ka hawm siam leen kum sawt ee, Siang sawn ci' bang teel ingh ee.
133, Sian ka hawm siam gi' bang neek teng, Sian mun ah luai bang' hen aw.
Sian ka lung tuak ci' bang teel ingh, Siang sawn dam tui dawn sak ee.
134. A mi za in tam na ven, lai lung tuak mi om lo ee.
Leen laai lung tuak tu tawm sa'ng ee, lung ka muan' na om lo ee.
135. Zin aang aa zaal mi za tam te'n, dawh aii saan na'n hong nei ee.
Siang sawn aa tuang Sian aang aa zaal, Sian in hin loo tui luan ee.
136. Mi za tam te'n hong hoo lo aw, kum cin' in Sian maang bia'ng ee.
Zin za tam tawh ka khen na aw, tung a zaal Sian maang hi ee.
137. Zin dawh aii tawi' pham na hi ee, Sian in pian' puan bang laih ee.
Sian dawh aii tawi' hin' na hi ee, khan kum aa muan' ding hi ee.