NUNGZUIPI TE' LA
Pu Vum Khaw Thang - Lailui
1. Sei no paak sil bang ki tawi ee, ban zaal kaih sin thu hi ee.
Thang van aa zaal Sian za maang aw, tat na lam bang tang sak aw.
2. Ciin kaam keii tawh do ka nawh ni'n, zaa laai min sial' lawm sa'ng ee.
Na tuai teng tawh zin leeng nawh ni'n, na tong dawng ngam om lo ee.
3. Zin leeng kaih tam siah nial hangh ee, Sian maang mun ah muang ve aw.
Na tuai teng tawh han lung ciam aa, sim lei aa min zaam aw ee.
4. Sian awi loh aa zin leeng vaang khua saai bang na sat, tui bang na siang sak naam aw.
Ciin tawh paai bang ka ki kop aa, khua cih leen puan bang kawm ingh ee, tui bang siang sak leii ingh ee.
Pu Heen Dam- Ngennung
5. Luun sin thu saan Sian maang tong khak, khua van nuai ah zaam hen aw.
Sing cin paal luun phial va'n bawm ee, na tong dam zaa ta'n bawm ee.
6. Za luun maang tong siam lawm lawm ee, puu pa khan' aa sim khua ziing sa, zaang nii in zaa laai taan ee.
Tung ciang thang van saang sawn ah ee, Sian maang tong khak pian' dang thel nah, ngo meii bang zaam zil zial ee.
7. Tong ciam zaang va bang ki phawng ee, luun a hiam gual a hiam aw.
Sian min luun leh zaang khua maang sin thu hi ee, khau bang a pal zo diam aw.
8. Tung sun nii leh Sian luun maang hoo lung ki kum, min thang von tawi zaa laai ah paal hen ci ee.
Sim lei leh thang van kaal ah zaam zil zial aw, na than' paal sawn tui zum vaai, dawng hoong hen aw.
9. Tuan puu pa' maa bang pat loh siam bang na sin, luun tawi phual ngo no aw ee, sin laai va, bang pil sa'ng ee.
Tung Pasian sin thu hi ee Sian maang tong khak, khua vaan nuai ah na min lawi bang thang hen aw.
10. Za luun sau sak saai bang ban ding, kua tawi' ban zaal a hiam aw.
Sian in muu bang bawl kiim ciat aa, sim lei miim bang piang aw ee.
11. Puu pa' pat loh pian' puan bang thak, Sian in nii bang awi hen aw.
Luun maang von tawi zaa ii laai ah, gual in a siing thei diam aw.
12. Tung thang van leh sim lei zilh za, Sian maang na gam lei hi ee.
Sim lei leh thang van kaal ah ee, na hawm siam zaam zil zial ee.
13. Tung Pasian hawm siam lawm lawm ee, zaa ii laai ah, a tong dam zam zil zial ee.
Sian maang hawm siam luun na ban zaal, tuan' geen in thang laai hen aw.
14. Zaa ta'n na vaang hong el zong in, Sian luun maang tong khak hi ee.
Tung suun nii leh luun hawm siam hen, zaa laai ah thang nuam ingh ee.
15. Tung Pasian hawm siam lawm lawm ee, zaa laai ah min thang hi ee.
Sim lei zilh za' nam cih laai ah, luun leh gual lung pil ve aw.
16. Zin vaan nuai lian Sian min thang aw, luun tawi lung zuang mual kal ding ci, phuh bang kho sak laai ve aw.
Luun mual kal ding sei no gual aw, zan ciang ka zaal mang hi hen aw khun laan khang thei lo lengh ee.
17. Zaang tui luun leh Sian zaai min thang, nuai sim lei ah na tong pian' na, luun tawi te lung zuang hi ee.
Lung zuang khuang bang ka khoh na ding, ka tong tui bang hong luang sak aw, luun duang ah bang nuam ingh ee.
Pu Thang Khaw Kam- Lailui
18. Tung Pasian tong dam aw ee, ka ciin va bang pil aw ee.
Sian maang tong dam pian' dang meel hoih, nam cih ta'n tem bang deih ee.
Pu Lun Heen- Lailui
19. Sen pu von leh Sian tong dam in, phung nam cih khau bang zom ee.
Sei no gual in tuu bang ciin ding, Sian in nii bang awi hen aw.
20. Luun maang sin thu ban zaal zawi kaih, gua bang hin' na'n lawm sa'ng ee.
Na hawm siam aa nam cih gual tawh, pah taang va bang laam ve aw.
21. Nuai sim lei aa luun von tawi aw, thei sen taang gual siing ve aw.
U leh ka nau za tam laai ah, na than' paal sawn lai hen aw.
22. Tuun sung suah pih geel cing laai-ah, khan' paal sawn ki tawi aw ee.
Sian maang hong hil' ban zaal zawi kaih, nam cih ta'n tem bang deih ee.
Pu Neek Tun- Lailui
23. Luun na sin thu ban zaal zawi kaih, khua vaan nuai ah thang hen aw.
Sian ii siam aa liim belh maang aw, sim lei tung ah ngoo meii bang zaam zil zial ee.
24. Thei sen mom no na khual na aw, luun aw na tong dam hi ee.
Nuai sim lei aa pheek taang bang zaak, huan tuu bang ciing nuam ingh ee.
Pu Pau Khaw Gin -Lailui
25. Khua vaan nuai aa pu pa' pat loh, Sian tawh tong kuum na hiam aw.
Sian tawh tong kuum liim belh maang aw, pham mawh gua bang hing ve aw,
Pu Ngul Khaw Awn -Lailui
26. Luun maang na tong dam aw ee, khua vaan nuai ah thang hen aw.
Nam cih za tam na khual na aw, Sian awi aa ki heek hi ee.
Pu Lian Neng- Lailui
27. Luun maang hawm siam zaam zil zial ee, tung Pasian' sin thu hi ee.
Tung Pasian leh luun maang von tawi, sin laai tui bang ciim sa'ng ee.
28. Siam sil neel bawl' pian' dang tong dam, nam cih ta'n tem bang deih ee.
Tung thang van aa Sian za maang tong khak hi ee, luun ban zaal zawi kaih hi ee.
Pu Khup Neng - Lailui
29. Siing om muang in nuih ciam in hong leel zong in, gual leel baan sam na tawi thang nii bang luun ee.
Nii bang luun ee zaa ii laai ah, liim belh ngal liam duang heei siam aw, mai mit sot et cim lah'ng ee.
30. Ban zaal heek siam nam cih duang ah baang aw ee, tong dam leel siam zoo lei leen mual kal aw ee.
Ban zaal heek siam vaai maang siam sil, no bang ee, za tam gual gen paal bang a'n pih nuam ingh ee.
31. Zaa luun neel zuun tong zawi kaih siam, khua cih gam guul bang vial ee.
Sian maang dawng hoong sul heei hen aw, luun tawi nam cih paal sawn na ding, zaang tui mun tual luum hen aw.
Pu Khup Khaw Suan - Lailui
32. Tung Pasian hawm siam lawm lawm ee, khua vaan nuai ah a siam sil pian' dang sa'ng ee.
Mom no va bang pil na ding aa, Sian tong dam hong luang suk ee.
Pu Khai Pau - Lailui
33. Om laai ka vei kum sawt sa'ng tuai nih geel aw, Sian maang tong dot siam ve vua.
Pu pa' pat loh siam bang na sin, siing ta'n laam bang veel ve aw.
34. Om laai in mang bang hong bop aw, bat phuu thaam na ka hiam aw.
Taang bang dam ding ka ngaih man in, Sian maang mun ah, nii cin' miim bang thuum ingh ee.